Co fin de promover a ensinanza e a aprendizaxe das matemáticas a través da resolución de problemas e do traballo en equipo, AGAPEMA organiza a XIII olimpíada matemática galega para o alumnado que cursa 2º da ESO en Galicia.
Poden participar todos os estudiantes dos centros educativos de Galicia matriculados en 2º da ESO no curso 2010/2011. A efectos territoriais distínguense sete zonas: A Coruña, Ferrol, Lugo, Ourense, Pontevedra, Santiago e Vigo. Cada Centro pode presentar á Fase de Zona dous participantes por cada unha das súas unidades de 2º da ESO.
Na fase de zona que terá lugar este venres día 8 de abril ás 10: 30 no CEFORE, rúa da Universidade 18, participarán dous alumnos do grupo de 2º ESO: Pablo de la Torre Cuevas e Nicolás Joel Sagasti Ruibal.
A proba consistirá na resolución individual de cinco problemas, os mesmos en todas as zonas. Na valoración dos problemas primará o método de resolución empregado, a súa orixinalidade,..., por enriba da mera solución.
Á fase final acudirán 40 participantes seleccionados na Fase de Zona, correspondéndolle a cada unha das zonas un número de prazas proporcional ao número de participantes presentados en total. Esta fase terá lugar o vindeiro venres 20 de maio no Concello de Vigo.
Non hai ningún procedemento xeral que poda aplicarse á resolución de problemas, pero si é posible establecer algunhas indicacións útiles na maioría dos casos:
· Ler atentamente os enunciados completos.
· Organizar os datos separando o que coñecemos do que queremos coñecer.
· Evitar facer suposicións, xa que poden dificultar a resolución do problema.
· Intentar relacionar o problema con algún problema similar.
· No caso de problemas xeométricos, debuxar un esquema da situación.
· En problemas numéricos e alxébricos, asignarlle aos datos descoñecidos valores e logo substituílos por números xerais (incógnitas).
· Proceder por tenteo probando con distintas solucións e posibilidades.
· E, sobre todo, NON desanimarse. A paciencia e a perseveranza son a mellor ferramenta na resolución de problemas.
A continuación aparece un problema proposto na fase final da pasada edición:
Problema 2 da fase final 2010: Pintando murais |
Hai que pintar dous murais do IES Manuel Antonio. O primeiro ten dobre área que o segundo. Un equipo de alumnos/as está pintando o mural grande na primeira metade da xornada escolar. Despois, o equipo divídese en dous grupos iguais, e, durante a segunda metade da xornada escolar, un dos grupos remata de pintar o mural grande, mentres o outro pinta o mural pequeno. Ao final da xornada escolar, o mural grande queda totalmente pintado, pero non o segundo, que, para ser rematado, ten que pintalo un alumno do equipo durante unha xornada enteira. Cantos alumnos/as forman o equipo?.
|
Rocío González
